Уруш Украина экологиясига қанча зарар келтирди?
Мамлакат экология вазири бу бўйича рақамларни очиқлади.
Уруш оқибатида Украина экологиясига 3 триллион гривен (76 миллиард доллар) зарар етказилди. Бу ҳақда мамлакат атроф-муҳитни ҳимоя қилиш ва экология вазири Руслан Стрелец маълум қилди.
"Биз аллақачон ҳисоблаб чиқдик, 3 триллион гривенлик экологик зарар — тупроқ, ҳавонинг ифлосланиши, ўрмонлар ёндирилиши, йўқ қилинган табиий ресурслар... Деярли 3 миллион гектар ўрмонга зарар етказилди — бу бутун Украина ўрмон қопламасининг 1/3 қисмини ташкил этади. 500 минг гектари оккупация ёки ҳарбий ҳаракатлар ҳудудида жойлашган", — деган Львовдаги United for Justice конференциясида.
Украина ҳукумати Россияни экоцидда айблаб келмоқда. Жанговар ҳаракатлар натижасида атроф-муҳитга катта зарар етказилган.
