Швейцариялик банкирлар Путиннинг яқин дўстига ёрдам беришда айбланмоқда
Прокуратура хулосасига кўра, улар миллионлаб франк пулларнинг манбасини аниқламаган.
4 нафар швейцариялик банкир Владимир Путиннинг яқин дўсти сифатида кўриладиган бастакор Сергей Ролдугинга ёрдам беришла айбланмоқда.
Швейцария прокуратураси маълумотларига кўра, Цюрихда ишлаган 3 нафар россиялик ва 1 нафар швейцариялик Ролдугин хисобрақамида пайдо бўлган миллионлаб франк пулларнинг бенефициарини аниқлашда етарлича ҳаракат қилмаган.
“Владимир Путиннинг расмий даромади катта емаслиги ҳаммага маълум. Аслида эса у жуда катта активларга эгалик қилади ва улар президентга яқин одамлар томонидан бошқарилади”, — дейилади Reuters агентлиги танишган ҳужжатларда.
Сергей Ролдугин 2014 йилда Газпромбанкнинг Швейцариядаги филиалида ҳисобрақами очган. Кейинги 2 йил давомида у орқали миллионлаб франк пул ўтган. Шу билан бирга банк бу маблағнинг манбасини суриштирмаган.
Россиялик мусиқачи Швейцария санкциялари рўйхатига киритилган. Чекловлар бўйича расмий ҳужжатда у “Путиннинг ҳамёни” деб қайд этилган.
