Рим Папаси: Украинада барча империяларнинг манфаатлари тўқнашган
Франциск Владимир Путин билан гаплашишга тайёрлигини билдирди.
Рим папаси Франциск Россия президенти Владимир путни билан учрашишга тайёр эканини таъкидлади.
“У зиёли одам. Можаронинг иккинчи кунида мен Россия элчихонасига келиб, Москвага боришга тайёр эканлигимни айтдим ва Путиндан мен билан учрашишни сўрадим. Лавров менга раҳмат айтди, лекин ҳозир бунинг вақти эмаслигини айтган. Путин менинг тайёр эканлигимни билади,” - дея хулоса қилди Рим папаси.
Франциск Украинадаги можарони "учинчи жаҳон уруши" деб атади ва аввалги икки уруш каби бу уруш ҳам аста-секин авж олишини қўшимча қилди. Шу муносабат билан Понтифик қурол саноати вакилларининг манфаатларига эътибор қаратишга чақирди. Унинг қўшимча қилишича, Украинада барча буюк давлатларнинг манфаатлари тўқнашган.
“Бу бозор. Уруш давом этмоқда, эски қуроллар сотилмоқда, янгилари синовдан ўтказилмоқда”, - дейди Папа.
Католик черкови раҳбари мунтазам равишда Украинадаги ҳозирги можаро ҳақида баёнотлар бериб туради. Айрим манбаларга кўра, Франциск 2023-йилда Москва, Санкт-Петербург ва Донбассга ташриф буюришни режалаштирган.
