Россиядан ЕИдаги сўнгги ҳамкори ҳам юз ўгирмоқчи
Венгрия Москва билан муносабатларини қайта кўриб чиқишини маълум қилди.
Венгрия бош вазири Виктор Орбан Россия билан муносабатлар қайта кўриб чиқилишини истисно этмади. Бу ҳақда Bloomberg агентлиги хабар берди.
Сиёсатчининг сўзларига кўра, “геосиёсий ўзгаришлар” фонида Москва билан ташқи сиёсат ва иқтисодий алоқалар қайтадан кўриб чиқилиши мумкин. Шу билан бирга бош вазир Украина низосидан кейин Россия-Европа муносабатларини қайта тиклаш зарурлигини айтган, аммо бу “реалликдан узоқ”.
“Айнан шунинг учун Венгрия Россия билан кейинги 10-15 йилдаги ташқи сиёсат ва иқтисодиёт соҳасида қандай алоқа қилишимизни яхшилаб ўйлаб кўриши керак”, – деган Жаноб Орбан.
Венгрия ҳукумати раҳбари Москва билан алоқаларни сақлаб қолишдан манфаатдор эканини қўшимча қилган.
Украина можаросидан кейин Венгрия РФ билан нисбатан яхши алоқаларни сақлаб қолаётган Европанинг ягона давлати бўлиб турибди. ЕИнинг санкциялар пакети Будапешт томонидан доимий равишда танқид қилиб келинади.
