Шимолий Корея аёлларни туғилишни кўпайтиришга чақирди

 

Шимолий Кореяда аёллар мамлакат ҳарбий қудратини ошириш учун кўпроқ туғишга чақирилди.

 

Расмийларга кўра, кўп фарзандли бўлиб, уларни Халқ армиясига юбориш — энг катта ватанпарварлик намунаси саналади. КХДРга етти-саккиз нафар ҳарбий хизматчини тарбиялаган оналар кераклиги айтилган.

 

Шимолий Кореянинг энг «ватанпарвар» аёллари Пхеняндаги муҳим ҳарбий тадбирларга фахрий меҳмон сифатида таклиф қилиниши белгиланган.