Си Цзиньпин тинчликпарвар ролини ўйнамоқда—ОАВ
Хитой раиси Зеленский билан музокара ўтказмоқчи.
Хитой раҳбари Си Цзиньпин келаси ҳафта Москвада Россия етакчиси Владимир Путин билан учрашади. Шундан сўнг у Украина президенти Владимир Зеленский билан музокара ўтказишни режалаштирмоқда.
Таъкидланишича, Хитой раисининг Украина президенти билан эҳтимолий музокаралари виртуал бўлади.
“Унинг Россияга ташрифи ва Зеленский билан эҳтимолий суҳбати Пекиннинг Украинадаги урушни тугатиш учун воситачилик қилишда фаолроқ роль ўйнаш истагини билдиради”, — дейди манбалар.
Шунингдек, Си Цзиньпин Россияга сафари доирасида Европанинг бошқа мамлакатларига ҳам боришни кўриб чиқаётгани, аммо тўлиқ йўналиши ҳали тасдиқланмагани хабар қилинган.
