АҚШ авиакомпаниялари Оқ уйни хориж авиакомпанияларига Россия устидан парвозни тақиқлашга чақирмоқда
Америка авиаташувчилари бир йилда 2 миллиард доллар зарар кўрган.
Америка авиакомпаниялари Конгресс ва Оқ уйни хорижий авиаташувчилар учун Россия ҳаво ҳудудида парвозларни чеклашга чақирди. Шу фонда Транспорт вазирлиги АҚШга йўловчиларни етказиб берадиган Хитой авиакомпанияларига РФ орқали парвоз қилишни тақиқлаш бўйича буйруқ лойиҳасини тайёрлаган. Бу ҳақда "The New York Times" хабар берди.
Россия ҳаво ҳудудида парвозлар тақиқланганидан кейин Америка авиакомпанияларининг йўналиш вақти ва ёқилғи сарфи сезиларли даражада ошган. Шу билан бирга, ташувчилар Тинч океани парвозлари жадвалини ўзгартириши ва максимал йўловчилар сони ҳамда юк ҳажмини камайтириши керак эди.
Шу муносабат билан, хорижий авиакомпаниялар АҚШга ва АҚШдан қайтаётган рейсларда кўпроқ йўловчиларни қабул қилмоқда. Америка авиаташувчилари жами 2 миллиард доллар зарар кўргани маълум қилинган.
Тақиқ тўғрисидаги таклифни АҚШ транспорт вазирлиги қўллаб-қувватлаган.
