БМТ Бош котиби Путин билан мулоқотни давом эттиришга тайёр
Халқаро жиноят суди кеча РФ президентини қамоққа олишга ордер берганди.
БМТ Бош котиби Антониу Гутерриш Гаагадаги Халқаро жиноий суд Россия президентини ҳибсга олишга ордер берганига қарамай, Путин билан гаплашишга тайёр. Бу ҳақда БМТ бош котиби идораси вакили Стефан Дюжаррик маълум қилди.
БМТ спикерининг сўзларига кўра, бундай масалалар контекстида ХЖС БМТ Котибияти билан ҳуқуқий жиҳатдан боғлиқ эмас. Шунга кўра, Путин БМТ учун "персона нон грата" бўлмаган.
Шу билан бирга, Дюжаррик унинг ҳаракат эркинлигидаги чекловлар Россия президенти билан эҳтимолий музокараларга халақит берадими, деган саволга жавоб беришдан бош тортди. Халқаро жиноий судда амалиётга қабул қилинган адвокат Сергей Голубокнинг тушунтиришича, агар Путин Рим статутини ратификация қилган, шунингдек, ХЖС юрисдикциясини тан олган давлатлардан бирига ташриф буюрса, маҳаллий ҳокимият органлари ҳибсга олишлари керак.
Гап 123 та давлат, жумладан Европа ва Жанубий Американинг барча мамлакатлари, шунингдек, Тожикистон, Жанубий Африка, Афғонистон, Марказий Африка Республикаси ва Нигерия ҳақида бормоқда.
