Путин қайси давлатларда қўлга олиниши мумкинлиги очиқланди
Суд қарорига қарамай, БМТ Бош котиби Путин билан мулоқотни давом эттиришга тайёр.
БМТ Бош котиби Антониу Гутерриш Халқаро жиноий суд Россия президентини ҳибсга олишга ордер берганига қарамай, Путин билан гаплашишга тайёр. Бу ҳақда БМТ бош котиби идораси вакили Стефан Южаррик маълум қилди.
“Биз Бош котиб олдидаги муаммоларни ҳал қилиш учун ким билан гаплашиши керак деган позицияда турибмиз”, — деди Южаррик.
БМТ спикерининг сўзларига кўра, бундай масалалар контекстида ХЖС БМТ Котибияти билан ҳуқуқий жиҳатдан боғлиқ эмас.
Шу билан бирга, Южаррик унинг ҳаракат эркинлигидаги чекловлар Россия президенти билан эҳтимолий музокараларга халақит берадими, деган саволга жавоб беришдан бош тортди. Халқаро жиноий судда амалиётга қабул қилинган адвокат Сергей Голубокнинг тушунтиришича, агар Путин Рим статутини ратификация қилган, шунингдек, ХЖС юрисдикциясини тан олган давлатлардан бирига ташриф буюрса, маҳаллий ҳокимият органлари ҳибсга олишлари керак. Гап 123 та давлат, жумладан, Европанинг барча мамлакатлари, Жанубий Америка, шунингдек, Тожикистон, Жанубий Африка, Афғонистон, Марказий Африка Республикаси ва Нигерия ҳақида бормоқда.
