Америкалик эркакнинг организми спирт ишлаб чиқармоқда

 

АҚШнинг Нью Жерси штатида яшовчи Марк Монгиардода шифокорлар ичак ферментацияси синдромини аниқлади. Бу камдан-кам учрайдиган ҳолат бўлиб, унда организм спиртли ичимликларни ишлаб чиқаради.

 

Эркакнинг айтишича, унинг аломатлари биринчи марта 2006 йилда пайдо бўлган. У ўқитувчи бўлиб ишлаган, бироқ ҳамкасблари ундан спиртли ичимлик ҳиди келганидан шикоят қила бошлагани учун ишдан кетишга мажбур бўлган. Гарчи у ҳеч қачон иш жойида ичмаган бўлса ҳам.

 

“Мен ҳеч қачон бундай қилмаган бўлардим. Мен ўқитувчиман. Бу мени жуда безовта қилди. Ичмаганимни айтганимда бунга ишонишмади”, — дейди Монгиардо.

 

Шунингдек, уни полиция тўхтатиб текширув ўтказганда, Монгиардонинг қонида алкоголь миқдори 0,18 ёки 0,19 ppm экани маълум бўлган.

 

“Таълим соҳасида иш тополмадим, озиқ-овқат дўконида иш топа олмадим”, — деб эслайди эркак.

 

Унинг онасини ўғлидаги бу ҳолатнинг сабабини аниқлашга киришди. Тиббиёт муассасаси Монгиардонинг ичакларини текшириб, қонда алкоголь борлигини аниқлади ва ташхисни тасдиқлади.

 

Шифокорларнинг фикрига кўра, бу синдромга ичак микрофлорасини йўқ қиладиган ва замбуруғлар ҳамда хамиртурушларнинг реакциясини таъминлайдиган антибиотиклар сабаб бўлади. Мазкур касалликка чалинган одам углеводлар ёки шакарни истеъмол қилганда, спиртли ичимликлар ичакларда ферментланади.

 

Шифокорлар ушбу синдромга чалинган одамларга дастлабки олти ҳафта давомида углеводсиз қатъий диетага, кейин эса кейинги ойларда кам углеводли диетага риоя қилишни тавсия қилади.