Байден Си Цзиньпин билан гаплашмоқчи—Оқ уй
Вашингтон телефон мулоқотини ташкил этиш устида ишламоқда.
АҚШ Президенти маъмурияти Жозеф Байден ва Хитой раҳбари Си Цзиньпин ўртасида телефон орқали мулоқот ўтказиш имконияти устида ишламоқда. Бу ҳақда Оқ уйнинг стратегик алоқалар бўйича координатори Жон Кирбина маълум қилди.
“Байден Си Цзиньпин билан яна гаплашмоқчи ва у буни амалга оширади. Биз эса буни қулай вақтда қиламиз”, — деди у.
Бироқ у ҳозирча бундай суҳбат санасини айта олмаслигини қўшимча қилди.
У, шунингдек, АҚШ осмонида жосуслик шари топилганидан кейин Давлат котиби Энтони Блинкен Хитойга ташрифини қолдирганини эслатди. Унинг сўзларига кўра, Вашингтон ҳали ҳам бу ташрифни амалга ошириш ниятида.
Оқ уй вакилининг айтишича, молия вазири Жанет Еллен ва савдо вазири Жина Раймондо иқтисодий масалаларни муҳокама қилиш учун Хитойга ташриф буюришга ҳаракат қилмоқда.
