Англияда эркак ўз ўлимини мактуб орқали билди
Унга шаҳар кенгашидан “ҳамдардлик хати” келган.
77 ёшли Стюарт Добсон шаҳар кенгашидан мактуб олмагунича ўзининг вафот этганини билмас эди. Англиянинг Жанубий Норфолк шаҳри кенгаши юборган мактубда “марҳумнинг вафоти юзасидан ҳамдардлик” билдирилган ва у солиқлардан озод қилиниши учун тўлдириш керак бўлган ариза намунаси кўрсатилган эди.
Нафақахўр жаҳл устида шаҳар кенгашига бориб, ўзининг тирик эканини исботлади. Атиги бир ой олдин унинг турмуш ўртоғи вафот этган эди, дард устига чипқон бўлиб, Стюарт ўзининг ҳам ўлганини билиб қолди.
Шаҳар кенгаши вазият ойдинлашгач, эркакдан узр сўраган ва хатоликка инсон омили сабаб бўлганини билдирган.
