Россия 40-50-йилларида ишлаб чиқарилган танклардан фойдаланмоқчи
Бу Украина можароси оқибатида РФда зирҳли техника билан боғлиқ муаммо борлигини кўрсатади.
Россия Собиқ Иттифоқнинг Т-54/55 танкларини сақловдан чиқармоқда. Бу ҳақда Conflict Intelligence Team (CIT) лойиҳаси хабар берди.
Ушбу танклар ўтган асрнинг 40-50 йилларида ишлаб чиқарилган. Лойиҳа ихтиёрига Узоқ Шарқдан техника ортиб келаётган эшелон тасвирлари келиб тушган. CIT маълумотларига кўра, Т-54/55 яқинда Приморье ўлкасидаги Арсеньев шаҳридан йўлга тушган. Бу ерда 1295-сонли танкларни сақлаш ва резерв марказий базаси жойлашган.
“Биз ушбу танклар қайси соҳада ишлатилишини билмаймиз. Аммо ҳар қадай вазиятда ҳам БТР-50 ва МТ-ЛБ кема зенит қурилмалари Россияда зирҳли техника билан боғлиқ муаммолар борлигини кўрсатади”, – дейилади ташкилот хабарида.
Экспертларнинг қайд этишича, Т-54’нинг илк моделлари Совет армиясига 1940-йилларнинг иккинчи ярмида, Т-55 эса 1958 йилда қабул қилинган.
