Бетховеннинг ўлими сабаби аниқланди
Олимлар унинг ДНКсини текширишди.
Олимлар немис бастакори Людвиг Ван Бетховеннинг ДНКсини очишга муваффақ бўлишди, бироқ унинг бевақт ўлимининг аниқ сабабини билиша олмади.
Кембриж университетининг бир гуруҳ тадқиқотчилари шахсий коллекцияларда сақланаётган Бетховеннинг соч толаларини таҳлил қилди.
Бетховен 1770 йилда Боннда туғилган ва 30 ёшида эшитиш қобилиятини йўқотган. Шу билан бирга, у мусиқа ёзишни давом эттирди, лекин кейин пианино чала олмади. Бастакор 1827 йилда 56 ёшида Вена шаҳрида вафот этган.
Олимлар бастакорнинг ўлими сабаблари ҳақида баҳслаша бошладилар, аммо икки аср давомида аниқ бир хулосага келишнинг иложи бўлмади.
Кембрижлик олимлар тўлиқ аниқлик кирита олмаган бўлсалар ҳам, Бетховеннинг жигар касалликларига генетик мойиллиги борлигини аниқлади (бу алкоголга қарамлик билан кучайган) ва умрининг охирида у гепатит Б билан касалланган.
Улар композитор ҳаётининг сўнгги 10 йилидаги ёзувларини ўрганиб чиқиб, Бетховен мунтазам равишда спиртли ичимликлар истеъмол қилган деган хулосага келишди, бироқ истеъмол ҳажмини тахмин қилиш қийин.
