Британия: 5 миллион долларлик олтин қуймалари мусодара қилинди
Полиция "бу олтинлар Жанубий Африка кокаин наркокартелларига тегишли" деб гумон қилмоқда.
Британиянинг Хитроу аэропортида қарийб 5 миллион долларлик олтин қуймалари мусодара қилинди.
Хабар қилинишича, полиция бу олтинлар Жанубий Африка кокаин наркокартелларига тегишли, деб гумон қилмоқда.
Мусодара қилинган тилла вазни қарийб 100 килограмм. У Жиноятчиликка қарши кураш миллий агентлигига топширилган. Юк орасида стандарт тўртбурчак қуймалардан ташқари цилиндр ва юрак шаклидаги қуймалар ҳам бор.
Олтин аввал Кайман ороллари орқали Швейцарияга, у ердан Лондонга юборилган.
Айни пайтда Кайман ороллари ҳукумати билан ҳамкорликда суриштирув бошланган.
