Керак бўлса, Киевгача борамиз – Медведев
РФ собиқ президенти мамлакат ҳозирда бутун НАТО армиясига қаши жанг қилаётганини иддао қилди.
Россия қўшинлари керак бўлса, Киевга ва Лвовга боради. Бу ҳақда РФ Хавфсизлик Кенгаши раиси ўринбосари Дмитрий Медведев маълум қилди.
Медведев “махсус ҳарбий амалиётда” қўйилган барча мақсадларга эришиш зарурлигини айтган.
“У ерда бўлган барча хорижликларни чиқариб юборинг, ўрта ва қисқа масофаларда ишлайдиган ҳар қандай турдаги қуроллардан фойдаланишга йўл қўймайдиган санитария чизиғини яратинг. Ва агар бу етарли бўлмаса, унда бошқа қарорлар қабул қилиниши мумкин”, — деди сиёсатчи.
Унинг фикрича, Россия ва Америка армияларини солиштирганда уларнинг қайси бири кучлироқ эканини аниқлашга ҳаракат қилиш нотўғри. Буни фақат можаро пайтида амалга ошириш мумкин.
Дмитрий Медведевнинг сўзларига кўра, Америка ёки Россия Федерацияси устидан қанча ракеталар уриб туширилмасин, уларнинг баъзилари тўғридан-тўғри ёки қарама-қаршилик деб аталадиган мағлубиятга олиб келади.
“Бунинг оқибати даҳшатли бўлади. Ва бу ерда қайси армия биринчи ва иккинчиси эканлигини айтиш мумкин эмас. Жанг қиладиган армия кучли”, — дея хулоса қилди у.
Унинг таъкидлашича, Россия ҳозир НАТО армияларининг 3 миллион 600 минг вакили билан уришмоқда.
