Тайван ўринга Хитой
Гондурас Тайван билан алоқани узиб, Хитой билан дипломатик муносабатлар ўрнатди.
Хитой ва Гондурас дипломатик муносабатлар ўрнатди. Бу ҳақда 26 март куни Хитой ташқи ишлар вазирлиги маълум қилди.
Қайд этилишича, мамлакатлар Хитой Халқ Республикаси ва Гондурас Республикаси ўртасида дипломатик муносабатлар ўрнатиш тўғрисидаги қўшма коммюникени имзолаган.
“Икки давлат ҳукуматлари коммюнике имзоланган кундан бошлаб бир-бирини тан олиш ва элчилар даражасида дипломатик муносабатлар ўрнатиш тўғрисида қарор қабул қилишди”, — дейилади хабарда.
Ҳужжатда айтилишича, Гондурас ҳукумати Тайван билан дипломатик муносабатларни узишга ва “Ягона Хитой” тамойилини тан олиш ва унга риоя қилишга қарор қилган.
Аввалроқ Гондурас ТИВ мамлакат Хитой ўз ҳудуди деб ҳисоблайдиган ўзини-ўзи бошқарадиган орол билан дипломатик алоқаларни узаётганини маълум қилганди.
Бунга жавобан Тайван маъмурияти Тегусигалпадаги дипломатик ваколатхонани ёпади.
