АҚШда ўсмир қиз мактабда отишма содир этди
Оқибатда камида 6 киши ҳалок бўлди, улардан 3 нафари — болалар.
АҚШнинг Теннесси штатидаги Нэшвилл шаҳрида хусусий бошланғич христиан мактабига қуролли ҳужум уюштирилди. Ҳодиса оқибатида камида 6 киши, жумладан, 3 ўқувчи ҳалок бўлди. Яраланганлар ҳам бор.
CNN телеканали хабарига кўра, ҳужум қилган ўсмир қиз бўлиб, унда камида 2 та милтиқ ва 1 та тўппонча бўлган. У мактаб биноси ичида полиция томонидан отиб ўлдирилган. Ҳужум сабаби маълум эмас.
Маълумот ўрнида: мазкур мактабда 33 нафар ўқитувчи ишлайди ва 200 га яқин бола таълим олади.
