АҚШда аёл қор одамини учратгани айтилди
У буни тасвирга олиб, тармоққа жойлаган.
АҚШнинг Ню-Гемпшир штатида яшовчи Барлетта исмли аёл ўрмонда ити билан сайр қилиб юрганида афсонавий жонзотни учратди.
Аввалига ит ўзини ғайриоддий тутиб, олдинга юришдан бош тортган. Шундан сўнг аёл қўланса ҳидни сезган ва ўзидан унча узоқ бўлмаган жойда икки оёқда юрадиган одамсимон жонзотни кўрган. У аёлни пайқамай яширинган бўлсада, Барлетта уни расмга олишга улгурган.
Аёл бу қор одами эди деб тахмин қилмоқда. Видеода у узоқ кўринмаган. Ижтимоий тармоқ фойдаланувчилари ҳам бу бигфут ёки қор одами эканини тасдиқламоқда.
