Собиқ бош вазир ядро урушидан қўрқиб, бункерли уй қидирмоқда
Сиёсатчининг рафиқаси ҳам Украина можаросида ядро қуроли қўлланишидан хавотирда.
Италия собиқ бош вазири Сильвио Берлускони ва унинг рафиқаси Марта Фашина ядро урушидан қўрқмоқда. Улар бомбапанали уй қидиряпти.
Италиянинг Libero Quotidiano нашрига кўра, Марта Россия ядро қуроли хақидаги хабарларга ўта жиддий қарайди. У Украина можаросида ушбу турдаги қурол қўлланишидан хавотирда.
Ҳозирда жуфтлик радиоактив моддалардан ҳимоялайдиган уй қидирмоқда. Агар муносиб жой топилмаса, Берлусконининг Аркордаги қароргоҳида бункер пайдо бўлиши мумкин.
Айрим ОАВга кўра, сиёсатчининг Сардиниядаги машҳур "Чертоза" вилласида бомбапана бор, аммо у радиациядан химоя қилмайди.
