АҚШ дунё бўйлаб демократияни қўллаб-қувватлаш учун катта маблағ ажратади
Шунингдек, Байден бутун дуёда ОАВ ва эркин сайловлар учун 690 миллион доллар ажратилишини эълон қилди.
Оқ уй 2022-2024 йилларда бутун дунёда демократия ва инсон ҳуқуқларини қўллаб-қувватлаш учун 9,5 миллиард доллар ажратишни режалаштирмоқда. Мазкур баёнот Оқ уй сайтида чоп этилган.
“2022, 2023 ва 2024-молиявий йилларда Қўшма Штатлар бутун дунё бўйлаб демократия, инсон ҳуқуқлари ва яхши бошқарувни қўллаб-қувватлаш учун Конгресс билан ҳамкорликда ва маблағлар мавжуд бўлган тақдирда, тахминан 9,5 миллиард доллар сармоя киритган ва таъминлаш мажбуриятини олган”, дейилади баёнотда.
Бундан ташқари, АҚШ бутун дунё бўйлаб оммавий ахборот воситалари ва эркин сайловларни қўллаб-қувватлаш учун 690 миллион доллар ажратишини эълон қилди. Бу ҳақда АҚШ президенти Жо Байден “Демократия саммити”да сўзлаган нутқида баёнот берди.
Илк марта “Демократия саммити” 2021 йилда бўлиб ўтган.
Иккинчи “Демократия саммити” 28-30 март кунларига белгиланган ва унда Европа, Африка, Осиё ва Лотин Америкаси етакчилари иштирок этмоқда.
АҚШнинг НАТО бўйича иттифоқчилари Туркия ва Венгрия саммитига таклиф қилинмади.
