Бахтиёр Саидов Туркманистон президенти билан учрашди
Шунингдек, Ўзбекистон ва Туркманистон ташқи ишлар вазирликлари ўртасида сиёсий маслаҳатлашувларнинг навбатдаги давраси бўлиб ўтди.
Ўзбекистон ташқи ишлар вазири Бахтиёр Саидов Ашхободда Туркманистон президенти Сердар Бердимуҳамедов билан учрашди. Бу ҳақда Саидов ўзининг Telegram каналида маълум қилди.
“Давлатларимиз раҳбарлари ўртасида ўрнатилган яқин ва дўстона алоқалар барча соҳаларда стратегик шерикликни ривожлантириш учун мустаҳкам замин яратмоқда”, — деб ёзади Саидов.
Шунингдек, Ўзбекистон ва Туркманистон ташқи ишлар вазирликлари ўртасида сиёсий маслаҳатлашувларнинг навбатдаги давраси бўлиб ўтди.
“Кўп асрлик муштарак тарихий меросга таянган ҳолда бугун мамлакатларимиз Марказий Осиёда изчил тараққиёт, тинчлик ва барқарорликни илгари сурмоқдалар”, — дейилади хабарда.
Таъкидланишича, доимий мулоқот ва алмашинувлар ҳар томонлама ривожлантириб борилмоқда.
