Тайван раҳбарининг АҚШга ташрифи

 

Тайван ва Қўшма Штатлар ўртасидаги муносабатлар ҳар қачонгидан ҳам яқинроқ ва уларнинг ҳамкорлиги уч йил ичида турли соҳаларда катта муваффақиятларга эришди,- деди Тайван бош ижрочи директори Сай Инвен Ню-Ёркка ташрифи чоғида.

 

“Тайван барча демократик ҳамкорлар билан алоқани давом эттиради ҳамда демократия ва эркинлик йўлида қатъий давом этади”, - деди Сай.

 

У АҚШ орқали транзит йўли билан Гватемала ва Белизга боради. Хитой Ташқи ишлар вазирлиги матбуот котиби Мао Нинг Вашингтонни Тайпей билан ҳар қандай расмий алоқаларни тўхтатишга чақирди.

 

Тайван атрофидаги вазият ўтган йилнинг август ойи бошида АҚШ Конгресси Вакиллар палатасининг ўша пайтдаги спикери Ненси Пелосининг оролга ташрифидан сўнг сезиларли даражада кескинлашган эди. Оролни ўз вилоятларидан бири деб билган Хитой бу ҳаракатда АҚШнинг Тайван сепаратизмини қўллаб-қувватлаётганини кўраётганини айтиб, Пелосининг ташрифини қоралади ва кенг кўламли ҳарбий машғулотлар ўтказди. 

 

Хитой раҳбарияти Пекин орол билан тинч йўл орқали бирлашишга интилишини, бироқ керак бўлса, ҳарбий куч ишлатишдан ҳам воз кечишга ваъда бермаслигини бир неча бор таъкидлаган.