AҚШ Давлат котиби жиддий огоҳлантириш билан чиқди
Бу россиялик фуқаролар билан боғлиқ.
AҚШ Давлат котиби Энтони Блинкен Россиядаги барча Aмерика фуқаролари зудлик билан мамлакатни тарк этиши кераклигини айтди. Бу ҳақда давлат котибининг расмий баёнотида айтилди.
Aмерикалик дипломат The Wall Street Journal журналисти Эван Гершковичнинг ҳибсга олиниши фонида баёнот бера туриб, шундай чақириқ билан чиққан.
Давлат котибига кўра, Давлат департаментининг устувор вазифаси хориждаги АҚШ фуқароларининг хавфсизлигидир.
«Биз Россия Федерацияси ҳудудида AҚШ фуқароларига таҳдид солаётган хавф ҳақида қаттиқ огоҳлантирамиз», — деди Блинкен.
Блинкен, шунингдек, унинг идораси мухбирнинг ҳибсга олиниши билан боғлиқ вазият бўйича WSJ вакиллари билан алоқада эканинини қўшимча қилган.
Эслатиб ўтамиз, Россиянинг Екатеринбург шаҳрида The Wall Street Journal'нинг Москвадаги бюросининг 32 ёшли ходими Эван Гершкович жосусликда айбланиб, ФХХ томонидан ҳибсга олинганди.
