НАТОга йўл Финляндия учун очиқ

 

Туркия парламенти кеча, 30 март куни Финляндиянинг НАТОга кириши ҳақидаги протоколни ратификация қилиш учун овоз берди. 

 

Туркия иттифоқдаги 30 давлат ичида Финляндиянинг унга киришини ратификация қилмаган охиргиси бўлди. Бу жараён Венгрия парламенти томонидан ўтган ҳафта амалга оширилган эди.

 

Шу тариқа Финляндиянинг Шимолий Алянсга кириши учун тўсиқ қолмади.

 

Россиянинг Украинага бостириб кириши ортидан Швеция ва Финляндия НАТОга аъзо бўлиш учун ариза берган эди. Бироқ расмий Анқара Швециянинг иттифоққа киришини ратификация қилишни истамаяпти.

 

Январь ойида Эрдўғон Швеция Туркиядан НАТОга аъзолик борасида хайрихоҳлик кутмаслиги кераклигини айтганди.