АҚШда республикачиларнинг катта қисми сайловда Трампни қўллашга тайёр
Аввалроқ собиқ президентга суд томонидан айблов қўйилганди.
Ўтказилган сўров натижаларига кўра, суд айбловларига қарамай республикачиларнинг 50 фоиздан ортиғи 2024 йили бўлиб ўтадиган АҚШ президентлиги сайловида Доналд Трамп номзодини қўллаб-қувватлашга тайёр.
Трампдан кейинги ўринда Флорида губернатори Рон ДеСантис бормоқда, уни респондентларнинг 21 фоизини қўллаб-қувватламоқчи. Овоз тўплаш бўйича учинчи ўринда Жанубий Каролинанинг собиқ губернатори ва АҚШнинг БМТдаги собиқ вакили Никки Хейли турибди, уни 5 фоиз республикачилар қўлламоқда.
Бундан ташқари, Трампга қўйилган айблов бўйича ҳам сўровнома ўтказилди. Америкаликларнинг 43 фоизи айбловнинг асосий сабаби сифатида сиёсий тарафкашликни кўрсатмоқда, респондентларнинг 42 фоизи эса Трампни жавобгарликка тортиш керак деган фикрда.
