Эрдоған Мирзиёевга электрокар совға қилмоқчи
Туркиянинг биринчи "Togg" электромобили сотувга чиқди. Унинг биринчи эгаси Эрдоған бўлди.
Туркия президенти Ражаб Тоййиб Эрдўған Туркияда ишлаб чиқарилган "Togg T10X" электромобилининг биринчи эгаси бўлди. Бу ҳақда "Анадолу" хабар қилди.
Анқарадаги Президент мажмуида автомобиль калитларини тантанали топшириш маросими бўлиб ўтди. Маросимда Туркия президентининг рафиқаси Эмине Эрдўған ҳам иштирок этди.
"Бугундан бошлаб биз "Togg"ни йўлларда кўрамиз", — деди Туркия раҳбари тадбирдаги нутқида.
Шунингдек, тадбирда Эрдўған электромобиль Озарбайжон президентига юборилгани ва Ўзбекистон раҳбарига ҳам совға қилинишини айтган.
Президент "Togg" нафақат Туркияда, балки бутун дунёда автомобиль ихлосмандлари орасида шуҳрат қозонишига ишонч билдирди.
Маълумот учун: Туркияда ишлаб чиқарилган илк электромобиль модели — "Togg T10X"ни харид қилиш учун аризаларни жойлаштириш жараёни бошланганидан бери жами 177 467 та олдиндан буюртма олинди.
