Хитой Тайван атрофида ҳарбий машғулот бошлади
Бу тақиқланган учрашувга жавоб сифатида баҳоланган.
Тайван раҳбари АҚШга ташриф буюриб, Вакиллар палатаси спикери билан учрашганидан сўнг Хитой орол атрофида уч кунлик ҳарбий машғулотлар бошланганини эълон қилди. Бу ҳақда CNN телеканали хабар бермоқда.
Қайд этилишича, машғулотлар доирасида Тайван бўғозида ҳамда оролнинг шимоли-жануби ва шарқида денгиз-ҳаво кучлари иштирокида маневрлар ўтказиш режалаштирилган.
Хитойнинг эълонидан сўнг Тайван мудофаа вазирлиги бўғозда 42 та Хитой самолёти қайд этилганини, улардан 29 таси шартли медиан чизиғини кесиб ўтиб, ҳаво ҳужумидан мудофаа идентификация зонасига кирганини айтди.
Эслатиб ўтамиз, аввалроқ Хитой Қўшма Штатларда АҚШ Конгресси Вакиллар палатаси спикери Кевин Маккарти ва Тайван президенти Цай Ингвен ўртасида ўтказилган учрашувни қоралаганди.
