Мактаб автобуси ўғирланди
Унинг ичида яна бир "сюрприз" бор эди.
АҚШнинг Пенсильвания штатида яшовчи Тони Сондерс мактаб автобусини олиб қочди. Полиция унинг изига тушиб, қуваётганда у автобусдан тушиб, ўрмон орқали қочиб кетишга уринган.
Шунга қарамай, полиция уни қўлга олган ва яна бир жиноятга гувоҳ бўлган.
Гап шундаки, 25 ёшли автобус ўғриси ўриндиққа ўлган кийикни ҳам ўтқазиб қўйган. Ўзининг сўзига кўра, у кийик мурдасини уйига олиб бориб, ундан ўғит сифатида фойдаланмоқчи бўлган.
Аммо полициянинг кийик қаердан ва қандай қилиб автобус ўриндиғига ўтиргани ҳақидаги саволи жавобсиз қолмоқда.
Энди гумонланувчи машина ўғирлаш, полициядан қочиш ва унга қаршилик кўрсатиш ҳамда эҳтиётсиз машина бошқариш учун судланиши мумкин.
