Бахтиёр Саидов ва Цинь Ган Хитойдан сотиб олинган автобусларни бориб кўрди — фото
Хитой ташқи ишлар вазири айни пайтда Ўзбекистонда бўлиб турибди.
Ўзбекистон ташқи ишлар вазири вазифасини бажарувчи Бахтиёр Саидов Хитой ташқи ишлар вазири Цинь Ган билан биргаликда Хитойнинг “Yutong” компанияси томонидан ишлаб чиқарилган янги автобусларни бориб кўрди. Бу ҳақда Саидовнинг Telegram каналида хабар берилди.
“Яқинда мазкур компаниянинг юзлаб автобусларини Ўзбекистонда жамоат транспорти фаолиятини яхшилаш мақсадида харид қилган эдик”, — деб ёзади Саидов.
Эслатиб ўтамиз, 8 апрель куни Ўзбекистонга Хитой давлатидан янги электробус ва автобуслар олиб келинганди.
Хитой ташқи ишлар вазири Цинь Ган Афғонистонга қўшни мамлакатлар ташқи сиёсий идоралари раҳбарларининг навбатдаги учрашувида иштирок этиш учун Ўзбекистонда бўлиб турибди.
