Манзилда адашган полиция бегуноҳ одамни отиб қўйди
Ҳолат бўйича суриштирув ишлари олиб борилмоқда.
АҚШнинг Нью-Мексика штати полицияси хонаки зўравонлик ҳақида мурожаат қабул қилиб, воқеа жойига йўл олди. Аммо офицеплар манзилни адаштиргани фожиали якунланди.
Полиция ходимлари "мурожаат манзилига" етиб келганида, уй эгаси кутилмаган ташрифдан шокка тушган. Шу туфайли у қуролланган ва эшикнинг тепа қисмини очиб, кутилмаган меҳмоннинг ақлини киритиб қўймоқчи бўлган.
Полиция ходимлари тезда реакция кўрсатиб, уй эгасининг кўкрагига ўқни жойлаб қўйган. Ўқ овозидан қўрқиб кетган аёл ҳам қуролланиб чиққан, аммо қаршисида ҳуқуқни муҳофаза қилиш органлари ходимини кўриб, қуролини туширган. Шундан кейингина полиция нотўғри манзилга келгани аёнлашди.
Айни пайтда операцияда қатнашган барча полициячилар хизматдан четлаштирилган. Ҳолат бўйича суриштирув олиб борилмоқда.
