Ташвишли рақамлар: вояга етмаганлар ва аёлларга жинсий зўравонлик ҳолатлари кўпаймоқда
Бу бўйича маълумотлар очиқланди.
Сўнгги йилларда вояга етмаганлар ҳамда хотин-қизларнинг жинсий эркинлигига қарши жиноятлар сони ортиб бормоқда.
Хусусан, 16 ёшга тўлмаган бола билан жинсий алоқа қилишда айбли деб топилганлар сони:
➖ 2019-йилда 99 нафар;
➖ 2020-йилда 153 нафар;
➖ 2021-йилда 216 нафар;
➖ 2022-йилда 238 нафарни ташкил этган.
14 ёшга тўлмаган бола билан зўрлик ишлатиб, жинсий алоқага киришиш жиноятини содир этганлар сони эса:
➖ 2019-йилда 52 нафар;
➖ 2020-йилда 35 нафар;
➖ 2021-йилда 57 нафар;
➖ 2022-йилда 73 нафарни ташкил этган.
Интернетда болалар порнографиясини тарғиб қилувчи сайтлар 2013-йилдан 2017-йилга қадар 7 баравар ошган.
Бу каби нохуш ҳолатлар такрорланишини олдини олиш мақсадида аҳоли орасида профилактик ишларни кучайтириш, ҳуқуқбузарлик содир этганларни эса қилмишига яраша жазолаш мақсадида хотин-қизлар ва болаларнинг ҳуқуқлари кафолатларини кучайтирувчи янги қонун имзоланди.
