"Титаник"нинг схемаси аукционга қўйилади
Чизмада ҳалокатдан сўнг ўрганиш олиб борган мутахассисларнинг қайдлари сақланиб қолган.
Британияда "Титаник" кемасининг лойиҳаси сотувга қўйилади. Ундан ҳалокат сабабларини ўрганиш учун фойдаланилган. "Henry Аldridge & Son" аукцион уйи ушбу лотни 250 минг долларга баҳоламоқда.
Ким ошди савдоси 22 апрель куни бўлиб ўтади.
Диаграмма қўлда чизилган. Унда лайнернинг барча хоналари кўрсатилган. Чизма Британия Савдо палатаси томонидан топширилган. Суратда йўловчиларнинг ўлими сабабларини аниқлаган мутахассисларнинг қайдлари сақланиб қолган. Текширувдан сўнг схема компания эгасига қайтарилди.
2011 йилда ҳужжатни хусусий коллектор сотиб олган. 2012 йилдан бери у Белфаст музейида намойиш этиб келинмоқда.
