Тошкентда гиёҳванд модда тарқатувчилар ушланди
Ҳозирда уларга нисбатан жиноят иши очилган.
Тошкент шаҳрининг Учтепа туманида наркотик моддаларни яшириш («закладка») билан шуғулланган шахслар қўлга олинди. Бу ҳақда ИИВ ахборот хизмати хабар бермоқда.
Чилонзор-13 мавзесида 33 ёшли Т.A. тўхтатилиб, холислар иштирокида ўзи ва унга тегишли Cobalt кўздан кечирилганда, фуқаронинг ёнидан ҳамда автомашинадан жами 5 дона ўрамга қадоқланган 5 грамм «марихуана» гиёҳвандлик моддаси топилган.
Текширув давомида ушбу гиёҳвандлик воситалари 23 ёшли Ш.У томонидан кейинчалик сотиш учун Т.A.гa берилгани маълум бўлган. Кўрилган тезкор чора-тадбирлар натижасида Ш.У. ҳам ҳуқуқни муҳофаза қилувчи органлар томонидан қўлга олинган. Ушбу фуқаро холислар иштирокида текширилганда, унда 29 дона ўрамларга қадоқланган 35 грамм «марихуана» гиёҳвандлик моддаси борлиги аниқланган.
Ҳолат юзасидан Жиноят кодексининг 273-моддаси билан жиноят иши қўзғатилиб, гумондорларга нисбатан қамоққа олиш эҳтиёт чораси қўлланган. Ҳозирда тергов давом этмоқда.
