Тошкентда болакай чуқурга тушиб кетди
Ҳокимлик боланинг аҳволи ҳақида маълумот берди.
Тошкент шаҳрининг Мирзо Улуғбек туманида 14 апрель куни болакай болалар майдончасидаги чуқурга тушиб кетди. Ҳолат юзасидан туман ҳокимлиги расмий муносабат билдирди.
Қайд этилишича, Мирзо Улуғбек тумани Ҳабиб Абдуллаев МФЙ ҳудудидаги болалар майдончасида кучли ёғингарчилик оқибатида болалар майдончасида чуқурликлар ҳосил бўлган. Оқибатда сунъий қопламалар остидаги тупроқ ва тош қоришмалари емирилиб тушган. Болалар майдончасида ҳаракат қилаётган A.A. ноқулай вазиятда ушбу чуқурчага тушиб кетган. Ҳозирда боланинг аҳволи яхши.
Шундан сўнг туманнинг тегишли ташкилотлари томонидан болалар майдончаси ўрганилган ва у ердаги ҳолатлар тўғриланган.
