Бахтиёр Саидов ЕИнинг Марказий Осиё ва инсон ҳуқуқлари бўйича махсус вакиллари билан учрашди
Унда фуқаролик жамиятини ривожлантириш, инсон ҳуқуқлари, гендер тенглиги ва сўз эркинлигини таъминлашда ўзаро ҳамкорлик масалалари юзасидан фикр алмашилди.
Ўзбекистон ТИВ раҳбари Бахтиёр Саидов кеча Европа Иттифоқининг Марказий Осиё бўйича ва инсон ҳуқуқлари бўйича махсус вакиллари Терҳи Хакала ҳамда Имон Гилмор билан музокаралар ўтказди.
Мулоқот чоғида Ўзбекистон билан ЕИ ўртасидаги сиёсий, савдо-иқтисодий, маданий-ҳуманитар ва бошқа соҳалардаги муносабатларнинг долзарб жиҳатлари кўриб чиқилди. Фуқаролик жамиятини ривожлантириш, инсон ҳуқуқлари, гендер тенглиги ва сўз эркинлигини таъминлашда ўзаро ҳамкорлик масалалари юзасидан фикр алмашилди.
Ўзбекистон ва ЕИ ўртасида Кенгайтирилган шериклик ва ҳамкорлик тўғрисидаги битимни тезроқ имзолаш муҳимлиги қайд этилди.
«Ўзбекистон – ЕИ» ва «Марказий Осиё – ЕИ» шаклида турли даражаларда режалаштирилган тадбирлар жадвалига алоҳида эътибор қаратилди.
Учрашувда минтақавий ва халқаро сиёсатнинг айрим масалалари ҳам кўриб чиқилди.
