Илк ташриф: Путин кутилмаганда Херсонга борди
Россия президенти март ойида эса Мариуполга борганди.
Россия президенти Владимир Путин кеча, 17 апрел куни Днепр қўшинлари гуруҳининг Херсон йўналишидаги қароргоҳига ташриф буюрди.
Давлат раҳбари штабда Ҳаво-десант қўшинлари қўмондони, генерал-полковник Михаил Теплинский, Днепр кучлари гуруҳи қўмондони, генерал-полковник Олег Макаревич, шунингдек, бошқа ҳарбий раҳбарларнинг ҳисоботларини тинглаган.
Путин Херсон вилоятига биринчи марта ташриф буюрди. Аввалроқ у март ойида Мариуполга борганди.
Маълум қилинишича, Путин Херсонга вертолётда борган, шундан сўнг у машинада бир неча туманларни айланиб чиққан.
Ушбу ташриф бугунга қадар сир тутилди. Кремль матбуот котиби Дмитрий Песков Путиннинг бу сафари дастлаб режалаштирилмагани ва ўз-ўзидан содир бўлганини айтди.
