Нью-Йоркда икки хитойлик жосуслик қилганликда гумонланиб ҳибсга олинди
Уларга жиддий айблов қўйилмоқда.
АҚШ Федерал қидирув бюроси жосуслик қилганликда гумонланиб, икки хитойликни ҳибсга олди. Мамлакат федерал прокуратураси эса Америкада диссидентларни кузатиш, уларни гапирмасликка мажбурлаш ва Нью-Йоркда махфий полиция бўлимини бошқариш гумонида ўнлаб одамларни айбламоқда, дея хабар берди CNN.
АҚШ прокурорининг Нью-Йоркнинг Шарқий округи бўйича вакили Жон Марзуллининг сўзларига кўра, душанба куни Чайнатаунда полиция операциясида ноқонуний иштирок этгани учун икки киши ҳибсга олинган. Улар Нью-Йорк суди олдида жавоб бериши кутилмоқда.
«Айбланувчилар Манхэттендаги «декларация қилинмаган полиция бўлими»ни бошқарган», — деди Ж.Марзулли.
