Истанбулда қуёш “йўқолиб қолди”
Шаҳарда ноодатий табиат ҳодисаси юз берди.
Истанбулни улкан қора булут қоплади ва шаҳар зулматда қолди, дея хабар бермоқда Turkiye gazetesi.
Айнан ўша вақтда бошланган кучли ёмғир йўл ҳаракатига ҳам кучли таъсир кўрсатди. Ёмғир ва тирбандликлар билан курашган истанбулликлар ноёб табиат ҳодисасига гувоҳ бўлишди. Булут қуёшни беш дақиқа тўсиб қўйган.
“Тўсатдан қоронғи тушгач, аҳоли орасида ваҳима бошланди” , — деб ёзади нашр.
Аномалияли ҳодиса кузатув камераси томонидан тасвирга олинган. Унда етти километрлик қора булут осмонни қандай тезда қоплаганини кўриш мумкин.
