Шимолий Кореяда ҳарбий жосуслик бўйича сунъий йўлдош яратилди
У тез орада учирилади.
Шимолий Корея етакчиси Ким Чен Иннинг маълум қилишича, Пхенян ўзининг биринчи ҳарбий жосуслик сунъий йўлдошини яратган ва режага мувофиқ уни учиришга тайёргарликни якунлашни буюрган.
Қайд этилишича, КХДР раҳбари Космосни тадқиқ қилиш давлат бошқармасига ташриф буюриб, қатор жанговар топшириқларни белгилаган.
Ким Чен Иннинг таъкидлашича, Қўшма Штатлар ва Жанубий Корея ўртасида “кенгайтирилган қамал” ва “иттифоқни мустаҳкамлаш” баҳонасида давом этаётган ҳарбий машғулотлар туфайли хавфсизлик билан боғлиқ хавотирли вазият КХДР учун кучайиши табиий.
Унинг қўшимча қилишича, ҳарбий разведка сунъий йўлдошидан фойдаланиш ўзини ҳимоя қилиш ҳуқуқи доирасида мамлакат учун энг муҳим устувор вазифадир.
