Америкалик эркак 200 минг долларни кўчага сепиб юборди
У бу ҳаракатини ўзининг ҳаёти яхши экани билан изоҳлаган.
АҚШнинг Орегон штатида Коллин Дэвис Маккарти исмли эркак машинасида туриб 100 долларли купюраларни сепиб ташлади.
Пул дардида ҳаракатдан тўхтаган машиналар туфайли йўлда тирбандлик юзага келиб воқеа жойига полиция етиб келган.
Колинга айблов қўйилмаган, фақатгина тарбиявий суҳбат ўтказилган. Бу пайтда эса одамлар йўл четида битта ҳам купюра қолдирмай, пулларни “супуриб олишди”.
Эркакнинг сўзларига кўра, 200 минг долларни ҳавога сочиб юборган. Ўзининг айтишича, бунга унинг ҳаёти яхши бўлгани ва бу қувончини бошқалар билан ҳам бўлиши келгани сабаб бўлган.
Бу пайтда “қаҳрамоннинг” турмуш ўртоғи банкдаги умумий ҳисобдан пулларни олгани учун эрининг устидан полицияга арз қилган.
