Бухорода мактаб директори пора билан ушланди
У икки кишини ишга олиш эвазига пул талаб қилган.
Бухоро вилоятининг Қоракўл туманида мактаб директори пора билан қўлга тушди. Бу ҳақда вилоят ИИБ ахборот хизмати хабар берди.
Маълум бўлишича, Қоракўл туманидаги умумтаълим мактабларидан бирининг раҳбари — 1965 йилда туғилган Ж.Ф. ўз хизмат мавқейидан фойдаланган. У фуқаро Б.М. исмли эркакни мактаб қорувули лавозимига, Н.С. исмли аёлни фаррош вазифасига ишга қабул қилгани эвазига мактабнинг хўжалик ишлари бўйича мудираси Х.Г. орқали уларнинг бир ойлик маошлари миқдорига тенг 900.000 сўм пулларни олган вақтида ашёвий далиллар билан ушланган.
Ҳозирда мазкур ҳолат юзасидан Жиноят кодексининг 210-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.
