Тошкентда 40 ёшли эркак 3-қаватдан сакради
Шифокорлар унинг ҳозирги аҳволи ҳақида маълумот берди.
Тошкент шаҳридаги қурилишда ишловчи 40 ёшли эркак 3-қаватдан сакради. Бу ҳақда “Milliy” телеканалининг “Millar” информацион дастурида хабар берилди.
Асли навоийлик эркак пойтахтдаги қурилиш фирмаларидан бирида ишлаб келган. Иш жойида ҳамкасблари билан спиртли ичимлик истеъмол қилиб, унинг таъсирида 3-қаватдан пастга сакраб юборган.
Шундан сўнг у дўсти ҳамроҳлигида шифохонага олиб келинган. Бемор аввалига шифокорларга кўчада йиқилиб тушганини айтган. Тиббий кўрик ва унинг натижасидан сўнг эса у учинчи қаватдан йиқилгани маълум бўлган.
“Рентген текширувларидан ўткизганимизда ўнг сон суяги юқори учлигидан ёпиқ майдаланиб синиб, суяк бўлаклари силжиши, чап товон суяк ёпиқ синиб, қониқарли туриши аниқланди. Беморнинг шишишлари қайтгач, операция ўтказиш режалаштирилди. Ҳозирда унинг ҳаволи ўрта оғирликда”, — дейди шифокор.
