Тошкентда ўқувчи қиз самосуд қилинди
Ҳозирда ҳолат бўйича текширув бошланган.
Ижтимоий тармоқда Тошкент шаҳридаги 331-сонли мактаб ўқувчи-қизлари ўртасида жанжал юз бергани акс этган видеолар тарқалди. Ҳолат юзасидан шаҳар мактабгача ва мактаб таълими бошқармаси расмий муносабат билдирди.
Қайд этилишича, Янгиҳаёт туманидаги 331-мактабда 12 апрель куни дарсдан кейин ўқувчи-қизлар ўртасида жанжал юз берган. Унда тумандаги 8-ҳудудда қурилиши якунланмаган объектдаў ўқувчи-қизлар ўзаро жанжаллашган ва уни тасвирга олиб, ижтимоий тармоқлар орқали тарқатган.
Ушбу ҳолатдан мактаб маъмурияти 12 апрель куни кечки вақтда хабар топган. Эртаси куни мактаб маъмурияти жанжал иштирокчиларининг ота-оналарини чақиртириб, улар билан тушунтириш ишларини олиб борган. Воқеа юзасидан мактаб маъмурияти Янгиҳаёт тумани ИИО ФМБга мурожаат қилган.
Мазкур ҳолат бўйича айни пайтда Янгиҳаёт тумани ИИО ФМБ томонидан терговга қадар текширув ишлари олиб борилмоқда.
