Байден ўзини танқидлардан сукут билан ҳимоя қилади–ОАВ
АҚШ етакчисининг саломатлиги кўпчиликни ташвишга солмоқда.
АҚШ президенти Жо Байденга 2024 йилги сайловлар олдидан соғлиғи ҳақида ўйлаши тавсия қилинди. Кўпгина ёш демократлар президент 86 ёшда тугайдиган иккинчи муддатида жуда кексайиб қолишидан қўрқишади.
Агар у президентлик пойгасида қатнашишга қарор қилса, унинг ёши ва жисмоний ҳолати ҳақидаги саволлар кескинлашиб кетиши эҳтимоли бор.
The New York Times газетасининг ёзишича, бундай гап-сўзларга Америка етакчисининг ўзидан олдинги замондошларига қараганда камроқ матбуот анжуманларида қатнашиши ва интервью бериши сабаб бўлган. Бундан ташқари, унинг одамлар билан мунтазам мулоқот қилишдан бош тортиши унинг ёши ва соғлиғига оид саволларни туғдиради.
“У ўзининг сукути билан танқидлардан ҳимоя қилади", — деб ёзади газета.
Аввалроқ ОАВ Жо Байденнинг паст рейтинги унинг бўлажак сайловлардаги мағлубиятига далил бўлиши мумкинлигини ёзганди. Ҳозир унинг рейтинги 40 фоиз даражада. Оқ уйнинг амалдаги раҳбари ҳозирча бўлажак президентлик сайловларида яна иштирок этиш нияти ҳақида расман маълум қилгани йўқ.
