Уч хотинига алимент тўламаган эркак қамоққа олинди
Ҳозирда у 4-маротаба уйланган.
Г.Б. яккабоғлик Я.М.га турмушга чиққанди. Турмуш ўртоғи ўзи хоҳлаганидек бўлиб чиқмаган аёл унга нисбатан кўп руҳий ва жисмоний тазйиқлардан сўнг уйдан ҳайдалди.
Маълумотларга кўра, Я.М.га Г.Б. кейин турмушга чиққан яна 2 нафар қизнинг ҳам тақдири худди шундай бўлди. Ҳозирда у 4-маротаба уйланган. Эркак 3 нафар собиқ хотинига алимент тўламаган.
Яккабоғ туманида бўлиб ўтган навбатдаги суд мажлисида Ўзбекистон Республикаси Маъмурий жавобгарлик тўғрисидаги кодекснинг 47-4-моддасига асосан алимент тўлашдан бўйин товлаб келган Я.М. ва у каби яна 15 нафар қарздор оталарнинг маъмурий жавобгарлик ишлари кўриб чиқилди. Уларнинг 14 нафари, шу жумладан, Я.М. га ҳам маъмурий қамоқ жазоси тайинланган бўлса, 2 нафар қарздор ўз оиласи билан ярашганлиги туфайли маъмурий иш юритуви тугатилди.
