Самарқандда ўқувчи қизлар жанжаллашди
Жанжал иккита мактаб ўқувчилари ўртасида юз берган.
Ижтимоий тармоқларда Самарқанд вилоятининг Булунғур туманида мактаб ўқувчи қизлари ўртасида жанжал юз бергани акс этган видео тарқалди. Ҳолат юзасидан вилоят ИИБ ахборот хизмати маълумот берди.
Ҳолат 25 апрель куни соат 16:30 ларда Булунғур тумани марказида жойлашган «Диёр» спорт мажмуаси майдонида содир бўлган. Унда 22- ва 23-сонли мактабларнинг 8-синф ўқувчи қизлари бир-бирларига нисбатан турли ҳақоратли сўзлар айтган ва натижада жанжалли ҳолат юзага келган.
Жанжал Булунғур тумани ИИБ томонидан расмийлаштирилиб, ҳозирда терговга қадар текширув ҳаракатлари олиб борилмоқда.
Текширув якунларига кўра, ушбу ҳолат мактабларнинг жамоаси ҳамда ота-оналари иштирокида муҳокама қилиниши белгиланган.
