Шаҳзоданинг гапи гапига тўғри келмаяпти
NGN медиаконцернига қарши судда катта можаро келиб чиқди.
News Group Newspapers (NGN) медиаконцернига қарши судда катта можаро келиб чиқди. Шаҳзода Гарри ташкилотга қарши қўзғатган жиноий иши қироллик оиласига қарши оммавий юриш бўлгани масаланинг бир тарафи бўлса, унинг кўрсатматларига судьянинг ишонмаётгани бошқа тарафидир.
Жараённи олиб бораётган судья Фэнкорт шаҳзодадан ёлғонлар ичида ўралашиб, ўзини қийнамасликни сўради.
Аввалроқ NGN'ни судга берган шаҳзода Гарри концернни ўтган йили бир неча марта телефонига ҳужум қилганликда ва қўнғироқларни тинглаганликда айблаган.
Аммо у айтаётган ҳолат бундан ўн йиллар аввал рўй берган. Ўшанда шаҳзода қироллик оиласи бу ҳақда хабардор экани ва Гарридан бу маълумотни атайин беркитганини маълум қилганди.
Энди эса Гарри ўшанда бувиси Елизавета ва қариндошлари NGN раҳбари Руперт Мердок билан махфий келишув тузгани учун аввалроқ компанияни судга бера олмаганини айтмоқда. Келишувга кўра, қироллик оиласи кузатув масаласини кўтармаслик ва компания билан судлашмасликка мажбур бўлган. Бунинг эвазига Гаррининг акаси шаҳзода Уильям катта миқдорда пора олган.
