БМТ Хавфсизлик кенгашига раислик Россиядан Швейцарияга ўтди
Раислик даврида мамлакат барқарор тинчлик масаласига эътибор қаратади.
Май ойида БМТ Хавфсизлик кенгашига раислик Россиядан Швейцарияга ўтди.
“Бугундан бошлаб Швейцария БМТ Хавфсизлик Кенгашига раисликни ўз зиммасига олади. Кенгаш ишини зудлик билан бошлайди”, — дейилади мамлакат ТИВ хабарида.
Швейцария Хавфсизлик Кенгашига бир ойлик раислик “барқарор тинчликни ривожлантириш ва тинч аҳолини ҳимоя қилиш билан боғлиқ тематик устуворликларни ажратиб кўрсатиш” имконини таъкидлаган.
Иш дастурининг асоси кўп жиҳатдан БМТ тинчликпарвар миссиялари ёки санкциялар режимларининг ваколатларини кенгайтириш зарурати билан боғлиқ.
Эслатиб ўтамиз, БМТ Хавфсизлик Кенгаши раислиги унинг аъзолари ўртасида ҳар ойда навбатма-навбат ўзгариб туради. Январда Япония, февралда Малта, мартда Мозамбик, апрелда Россия раислик қилди. Май ойида Швейцария, июнда эса БАА Кенгашга раислик қилади.
