Туркия Арманистон учун осмонини ёпди
Анқара Еревани янги тақиқлар ҳақида ҳам огоҳлантирди.
Туркия ташқи ишлар вазири Мавлут Чавушўғли Анқара Немеза операциясида иштирок этган террорчилар учун Ереванда ёдгорлик очилиши муносабати билан Арманистон самолётлари учун ҳаво ҳудудини ёпганини маълум қилди.
“Биз бундай провокацияларни қабул қилмаймиз. Террорчиларга ёдгорлик очилишига жавобан Туркия Арманистон самолётлари учун осмонни ёпди. Сўнгги пайтларда Арманистон авиакомпаниялари Туркия ҳаво ҳудуди орқали дунёнинг турли бурчакларига парвоз қила бошлади. Энди осмонни ёпдик. Биз истисно тариқасида Арманистон парламенти раисининг Туркиядаги халқаро тадбирда иштирок этиши учун ташриф буюришига рухсат бердик. Агар бундай ҳаракатлар давом этса, янги қадамлар бўлади”, — деди вазир.
Чавушўғли, Иккинчи Қорабоғ урушидан кейинги даврда Туркия ва Озарбайжон ўртасида Арманистон билан муносабатларни нормаллаштириш учун кўп қадам ташланганини эслатди.
